Fons Pitiús-ek abian jarri du bere kanpaina ‘Arrazakeriaren eta xenofobiaren aurka, ekin dezagun!’

Fons Pitiús de Cooperació-k arrazakeriaren aurkako eta migratzaileen eskubideen defentsarako kanpaina jartzen du martxan Ibizan eta Formenteran.

Fons Pitiús de Cooperació-k, migratzaileen giza eskubideen estrategiaren ildotik, arrazakeriaren aurkako eta migrazio prozesuei buruzko sentsibilizazio kanpaina bat abiatzen du. Ekintzak Ibiza eta Formenterako biztanleriako hainbat sektoretara zuzenduta daude, arreta berezia eskainiz haur eta gazteei.

Ibiza eta Formentera dira Fons Pitiús de Cooperacióren tokiko ekintza-eremuak. Uharte hauek, aspalditik, gako diren igarobide eta helmuga lekuak dira askok migratzeko espazio seguru bat edo beraien bizitzak garatzeko aukerak bilatzeko beharrean aurkitzen diren pertsonentzat. Segurtasuna eta aukerak, ezinbestean, erakunde publikoek eta gizarteak osotasunean bultzatu beharko lituzketenak.

Hala ere, iritsi berri diren pertsonek maiz aurre egin behar izaten diete arrazakeriari edo xenofobiari. Egoera hauek ere pairatzen dituzte uharteetan jaio eta hazitako pertsonek, baina komunitate arrazializatuetara edo beste herrialde batzuetako jatorrizko komunitateetara pertenatzen dutelarik.

Gainera, azken urteotan kezka handiz ikusi dugu migrazioaren inguruko desinformazioaren hazkundea. Datu testuingurugabeak, errealitate manipulatuak eta engainuzko albisteak sare sozialen eta zenbait komunikabideen bidez ugaltzen dira, beldurra sortuz eta migratutako pertsonen aurkako errefusa eta gorroto diskurtsoak elikatuz.

Kezka horretatik abiatuta, Fons Pitiús de Cooperació-k beste lau tokiko erakunde (Cruz Roja Islas Baleares, Cáritas Diocesana de Ibiza, Fundació Deixalles eta Médicos del Mundo Islas Baleares) deitzen ditu arrazakeriaren eta xenofobiaren aurkako kanpaina elkarrekin abian jartzeko “Arrazakeriaren eta xenofobiaren aurka, ekin dezagun!”

Helburua da ekintzen inpaktu eta irismen handiagoa lortzeko elkarlanean aritzea, hainbat pitiusako biztanleriako sektoreetara bideratuta.

Kanpaina, 2023ko urrian hasi eta 2024. urte osoan zehar luzatuko dena, honako helburuak ditu:

• Herritarrak gizakien mugikortasunaren izaera dimentsio anitzekoaren inguruan sentsibilizatzea.

• Migratzen duten pertsonen inguruko estereotipoak, aurreiritziak eta gezurrezko zurrumurruak desmuntatzea.

• Migratutako pertsonen aurkako gorroto diskurtsoak eta jarrera xenofoboak eta arrazistak prebenitzea eta kontrajartzea.

• Bakearen kultura eta giza eskubideak errespetatzean oinarritutako kultura arteko bizikidetza espazio komun bat eraikitzea bultzatzea.

Orain arte burutu diren ekintzetako batzuk hauek dira: Giza Eskubideen aldeko Torreen, Talaien eta Talaioien piztea Ibizan eta Formenteran, kaleko jarduera parte-hartzaileetarako jardunaldiak abenduaren 18an (Migratzaileen Nazioarteko Eguna) eta Arrazakeren aurkako argazki erakusketa.

Gainera, kanpainak migratzaile, kultura arteko bizikidetza eta arrazakeriaren prebentzioari buruzko jarduera sorta bat barne hartzen ditu, gazteentzako eta hezkuntza eremura zuzenduta. Besteak beste, Lehen Hezkuntza eta Bigarren Hezkuntzako ikasleei zuzendutako tailerrak eta hitzaldiak, irakasleentzako prestakuntzak eta “El Largo Viaje” izeneko antzezlan kontatua. Lan hau Anakrònica artistak kanpainarako bereziki sortua izan da, eta dagoeneko Eivissa eta Formenterako udalerri guztietako 7 liburutegi eta 2 ikastetxetan aurkeztu da.

Kanpainari buruzko informazio gehiago: https://fonspitius.org/sensibilizacion/2023-enfront-del-racisme-i-la-xenofobia-actuam/