A CONFOCOS inicia proceso de contratación dunha persoa / entidade para contribuír na adaptación e actualización do manual “Municipalismo e Solidariedade. Guía sobre a cooperación descentralizada”
29/10/2024
A Confederación de Fondos de Cooperación e Solidariedade abriu un proceso de selección para contratar a unha persoa ou entidade que contribúa na adaptación/actualización do manual “Municipalismo e Solidariedade. Guía sobre a cooperación descentralizada”.
A tarefa será actualizar o manual sobre cooperación descentralizada, un recurso destinado principalmente aos gobernos locais, que repasa o concepto mesmo e o seu marco xurídico, o papel dos fondos rexionais de cooperación, os instrumentos técnico-políticos ao alcance dos municipios e as relacións con outras institucións da cooperación. A actualización incorporará o novo marco lexislativo recollido na lei 1/2023, do 20 de febreiro, de cooperación para o desenvolvemento sostible e a solidariedade global, tendo moi presente a coherencia de políticas e a innovación.
Este manual é unha ferramenta de consulta, sensibilización e formación necesaria para aproximar a cooperación descentralizada municipal aos representantes públicos.
Os perfís interesados deben cumprir os seguintes requisitos:
Formación:
– Titulación universitaria superior (Licenciatura, Grao) en Ciencias Sociais ou similar– Formación específica en Cooperación Internacional, Acción Humanitaria e EpDCG. Especial atención á cooperación descentralizada.
Experiencia:
– Experiencia profesional relevante de mínimo 2 anos en cooperación municipalista e/o de gobernos locais– Experiencia profesional relevante de mínimo 2 anos no terceiro sector e a cooperación internacional.
Á hora de identificar posibles provedores, valorarase que se sintan identificados/as con principios da organización como: aprendizaxe activa, actitude crítica, participación activa, transformación social, compromiso e cidadanía global.
Pódese consultar a proposta de forma detallada, así como a metodoloxía, os criterios de valoración, resultados esperados e o cronograma na seguinte ligazón.
As persoas e/o entidades interesadas en presentar a súa candidatura deberán enviar a súa proposta, xunto cun orzamento detallado, antes do 18 de novembro de 2024 e remitila a: coordinacion@confederaciondefondos.org.