Comunicado de apoio e solidariedade. Terremoto Marrocos
09/09/2023
Este pasado venres, 8 de setembro, un terremoto de magnitude 6,8 na escala de Richter golpeaba con dureza Marrocos.
As cifras de persoas falecidas ascenden a máis de 1.000 e, lamentablemente, seguirán aumentando os próximos días. Ademais das miles de persoas que resultaron feridas.
Desde a Confederación de Fondos de Cooperación e Solidariedade (CONFOCOS) queremos expresar a nosa solidariedade co pobo marroquí nestes difíciles momentos e manifestar as nosas máis sentidas condolencias ás familias das vítimas.
A través de algúns dos nosos Fondos[i] socios, con longa traxectoria de traballo no país, seguiremos os procesos de identificación e resposta á emerxencia, dando apoio ás campañas que desenvolvan. Campañas e iniciativas cun claro enfoque municipalista e territorial que respecte os dereitos das comunidades afectadas e os principios humanitarios fundamentais.
[i] Fons Català de Cooperació, FAMSI, Fons Mallorquí de Cooperació e Fons Menorquí de Cooperació