Cooperación Técnica Municipal, un modelo de cooperación local que traspasa fronteiras
17/05/2023
No marco da subvención nominativa da Axencia Española de Cooperación (AECID) á Confederación de Fondos de Cooperación e Solidariedade (CONFOCOS) iníciase a formación especializada do corpo de bombeiros de O Salvador
Un proxecto liderado polos nosos socios de Euskal Fondoa
O pasado luns 15 de maio, comezou nas instalacións da Sede Central do Corpo de Bombeiros de O Salvador (CBES) o curso de “formación de formadores”, relacionado con incendios forestais e investigación pericial de incendios.
Impartido por especialistas do Servizo de Bombeiros de Álava e a Policía Municipal de Donostia-San Sebastián, coordinados pola Fundación SUESKOLA e EUSKAL FONDOA.
Participan 15 bombeiros/as en cada unha das temáticas identificadas. O curso ten unha duración dunha semana e ten como obxectivo “Mellorar a capacidade de resposta do CBES”.
En setembro de 2022, membros do CBES realizaron unha misión de identificación de oportunidades para a formación especializada a bombeiros/as de O Salvador ao Centro de Adestramento en Prevención e Extinción de Incendios da Fundación SUESKOLA en Ordizia, ao Parque de Maniobras de Ispaster, así como a distintos parques de bombeiros dependentes da Deputación Foral de Gipuzkoa e Álava.
FORMACIÓN, ORGANIZACIÓN E MANEXO DE INFORMACIÓN E INVESTIGACIÓN
Producto destas visitas identificáronse varias áreas de interese: 1) formación en prevención e resposta na extinción de incendios, o manexo de materiais perigosos (substancias químicas) e o rescate vehicular; 2) organización de estacións ou/y parques de bombeiros: organización e xestión; 3) manexo do sistema de información e investigación pericial de incendios.
O CBES ten na actualidade unha dotación próxima ao milleiro de bombeiros/as. Destaca o significativo número de mulleres como indicador da integración das mulleres nun ámbito profesional de tradición masculina.
A iniciativa conta co apoio económico da AECID, a través da nominativa vixente con CONFOCOS, de EUSKAL FONDOA, da Deputación Foral de Gipuzkoa e da Fundación SUESKOLA.
