A web do Fons Català de Cooperació estreará unha nova imaxe

O Fons Català de Cooperació al Desenvolupament www.fonscatala.org/ca estrea nova imaxe online.

A renovación da web fíxose coa vontade de cambiar o deseño e a usabilidade, así como mellorar a navegación para facela máis intuitiva e rápida. A nova web é unha das primeiras accións do FCCD para mellorar a súa visibilidade e dar a coñecer os seus campos de actuación. Con esta nova ferramenta facilitarase o acceso a datos de interese por parte dos concellos socios.

Esta nova web faise visible sobre todo en tres aspectos clave: un novo deseño para facer unha web accesible e adaptable a dispositivos móbiles e tabletas, unha nova arquitectura de contidos con menús fixos máis claros e accesibles e unha renovación da plataforma tecnolóxica, que permite unha navegación máis rápida.

Na portada da web conviven contidos informativos (noticias, campañas en activo, proxectos destacados e outras webs vinculadas co FCCD). Entre as funcionalidades da web http://www.fonscatala.org/ca destacan a información corporativa do FCCD e o observatorio da Axuda Oficial ao Desenvolvemento municipal catalá que quere dar unha fotografía da evolución da cooperación que realizan as administracións locais neste último mandato.

Un dos obxectivos é que a nova web teña unha maior actualización e dinamismo para poder visualizar as diferentes liñas de traballo do FCCD e dos seus socios. Nos próximos meses tamén se queren potenciar outros canais e ferramentas de comunicación (redes sociais, boletín dixital, buscador de proxectos e campañas…) que expliquen a importante tarefa que fan os municipios no campo do desenvolvemento.