A saúde promóvese a través do deporte en Mozambique.
20/12/2018
O Fondo Galego de Cooperación e Solidariedade e a Fundación Encontro ensínannos a través deste vídeo as actividades da primeira fase do proxecto “Promoción da saúde a través do deporte no medio rural nos distritos de Boane e Namaacha”. Esta iniciativa pretende, a través do deporte, previr enfermidades e adiccións na mocidade. Máis dun cento de mozos uníronse aos equipos de fútbol das cinco comunidades; ademais, 250 mozos practican atletismo, formáronse 26 monitores e activistas para sensibilizar sobre enfermidades de transmisión sexual ou embarazos temperáns co obxectivo de implementar hábitos de vida saudables e promover a igualdade de xénero entre a xente nova.