A Confederación de Fondos de Cooperación e Solidariedade organizou unha formación técnica en Eivissa.
24/10/2018
O pasado 22 de outubro, a Confederación de Fondos de Cooperación e Solidariedade organizou unha formación sobre “Xestión económica e financeira da Cooperación Descentralizada”.
Nesta formación participaron tanto persoal técnico como xerentes dos Fondos que forman parte da Confederación.
Esta formación tiña como obxectivo compartir aprendizaxes e mellorar a xestión interna de cada un dos Fondos, fortalecendo o rigor técnico, a transparencia na xestión e a participación dos socios. Cada Fondo compartiu os seus sistemas de xestión na área económico-financeira, ademais de contar cunha xornada de formación con Rafael García Maties, presidente de Municipalistas pola Solidariedade e o Fortalecemento Institucional, MUSOL, onde se expuxeron as novidades normativas aplicables ás políticas de cooperación internacional, principalmente respecto ás incidencias nos procedementos de xustificación de subvencións.
Ao final da xornada, os diferentes xerentes dos Fondos de Cooperación e Solidariedade tiveron unha reunión na que se traballou o plan conxunto da Confederación para o próximo ano.