Kataluniako Afrikako Zinemaren Ibiltari Festibalaren hirugarren edizioa

Festaibala, Fons Català de Cooperació al Desenvolupament eta CinemÀfriques-ek bultzatuta, abendura arte Kataluniako 15 udalerritan zehar ibiliko da, Afrikako kontinenteari lotutako film, film labur eta dokumentalekin.

Joan den ekainaren 14an Kataluniako Afrikako Zinemaren Ibiltari Festibalaren (FICAC) hirugarren edizioa inauguratu zen Castelldefelsen (Bartzelona), Fons Català de Cooperació al Desenvolupament eta CinemÀfriques-ek bultzatutako ekimena. Festaibal hau gure herrialdeko proiektu aitzindaria da, 2022an jaio zena Afrikako kontinentearekiko proiektatzen den irudia zinemaren bidez aldatzeko beharra kontzientziatzeko hitzordu garrantzitsu bihurtzeko bokazio argiarekin.

FICACek entretenimendu eta difusio espazioa bihurtzea du helburu, zinemaren bidez, kontzientziak moldatzeko balio duela azpimarratzen duen mantra zaharra berriro sortuz. Proiektuak Afrikako kontinentearen beste errealitate batzuk hurbiltzeaz gain, sentsibilizazio saioak eta jarduerak eskaintzen ditu, tokiko kultura, hezkuntza eta gizarte ehunaren eta Kataluniako Afrikako diasporen laguntzarekin artikulatzen direnak.

Inaugurazio-saioan, Castelldefelseko Udalaren Lankidetza eta Elkartasun zinegotzi Ramon Amador eta Fons Català zuzendari David Minoves-ek parte hartu zuten, eta Marcher sur l’eau (2021) filma proiektatu zen, Nigerreko herrixka bateko biztanleen eguneroko ur bilaketa kontatzen duena. Ondoren, Oudiodial Elkartearen lankidetzarekin eztabaida bat egin zen.

Lehen aldiz, festaibal ibiltari hau Kataluniako lau probintzia-hiriburuetan egongo da. Guztira, abendura arte 15 udalerritan zehar ibiliko da: Bartzelona, Cambrils, Castelldefels, Girona, La Bisbal d’Empordà, Lleida, Lloret de Mar, Mollet del Vallès, Montcada i Reixac, Olot, Reus, Salt, Tarragona, Torelló eta Vilafranca del Penedès.

2024ko edizioan 10 ekoizpen berri gehitu dira, dokumentalak, fikzioak eta film laburrak barne, katalogoko 25 filme baino gehiagotara batu direnak, eta Afrikako 15 herrialde baino gehiago ordezkatzen dituztenak.

FICACeko filmak lau ardatz tematikoetan sailkatuta daude: migrazioak, kolonialismoa, feminismoak eta ingurumen larrialdia. Helburua publikoari kontinentean bizitzari buruzko ikuspegi desberdinak ematea da, eta Afrikako autore-zinemaren ikuspegi eta narrazio berriak mahai gainean jartzea, diasporatik ere egina.

Festaibalari buruzko informazio gehiago: https://ficac.cat/