FAMSI Ekuadorren emakumeen ahalduntzea tokiko politikan babesten du
16/07/2019
Martxoan egindako hauteskundeetan hautatutako alkateek, alkateordeek eta zinegotziek Kordobako Diputazioak babestutako ‘Genero eta botere politikoa’ proiektua ezagutu dute, uztailaren 2an Asociación de Municipalidades Ecuatorianas (AME) elkarteak antolatutako ‘Ekuadorko emakume agintari politikoen ahalduntzea‘ tailerraren baitan.
Ekuadorren dauden 221 udalerrietatik 18k soilik dituzte emakume agintari politikoak, hau da, Ekuadorko udal gobernuen %8,14k soilik. Ordezkaritza baxu honek emakumeek parte hartzeko dituzten oztopoak eta diskriminazioak agerian uzten ditu, orain arte gizonezkoen esparruetan gertatzen direnak. Egia da, beste lurralde batzuetan bezala, paritatea oraindik ez dagoela errotuta alderdien kultura politikoan eta kuotak errespetatzeko eta ordezkaritzan berdintasuna sustatzen duten politikak babesteko erresistentziak daudela.
Ekuadorrek emakumeen ahalduntze politikoaren erronkari aurre egiten dio, genero berdintasunari buruzko GJH 5aren esparruan giltzarri dena, eta Agenda 2030aren baitan planteatzen diren 17 GJHak lortzeko ezinbestekoa dena. Ildo horretan, FAMSIk genero estrategia batean lan egiten ari da bere bazkideekin, emakumeen ahalduntze politikoa babesteko, eta hori paraleloan gauzatzen ari da bai Andaluzian eta bai Afrikako eta Latinoamerikako lurraldeetan, FAMSIk lankidetza aliantzak dituen tokietan.
Testuinguru honetan kokatzen da “Genero eta botere politikoa” proiektua, Kordobako Diputazioak babestua eta tokiko mailan Asociación de Municipalidades Ecuatorianas (AME) elkarteak gauzatua, herrialdean dauden emakume politikoen elkarteekin koordinatuta. Proiektuak genero politikak bultzatzea proposatzen du, tokiko gobernuetako agintarien ahalduntze politikoaren bidez, eta genero eta berdintasun politikak eta publikoak kudeatzen dituzten tokiko erakundeetako agintarien eta funtzionario publikoen gaitasunak indartzea.
Helburu horiek lortzeko eta eragin handiagoa izateko, funtsezkoa da lerro honetan lan egiten duten beste eragile batzuekin artikulatzea, eta jardunaldi honetan presente egon ziren, hala nola PNUD, Errepublikako lehendakaritza, Gobernantza eta Gobernagarritasunaren Azpibatzordearen bidez, eta Genero Berdintasuneko Kontseilu Nazionala, bertaratutako agintariei tresna kutxa bat eman ziena, genero ikuspegitik tokiko kudeaketan beren gaitasunak indartzeko.
Parte hartu zuten erakunde guztiek ados jarri ziren genero berdintasun errealera iristeko erronka handienetako bat aukera berdintasunerako sarbidean aurrera egitea dela nabarmentzeko, ahaleginak lotzea eta genero ikuspegia politika publiko guztietan zeharkatzea, GJH 5aren bidez genero berdintasunari lehentasuna emanez.
Era berean, AMEko egungo presidenteak, Rossana Cevallos-ek, 78 urteko historian erakundearen lehen emakume presidentea denak, emakume agintari politikoak ikusgai egiteko beharra nabarmendu zuen, “ez da genero kontua, gaitasun kontua da, eta gu gai gara” esan zuen.